這是我給你、給你、給你、給你、給你、給你和給你的。 如果你覺得係講緊你既，咁應該無錯了，係我誠心寫比你的。 如果你覺得無一個係你的，咁都應該無錯了，我無寫比你，當然唔代表我唔重視你。 首先係你： 我到而家都覺得係上帝藉著你，讓我來到這裏。 你知道我的驕傲，連比我年長的、比我見識多的、比我更有智慧的，我都好少特別放在眼內，唯獨係你，我係頗佩服的。 論驕傲你唔會比我差，但係你更有道理驕傲。 你係一個穩定持平既人，要挑剔唔係話無，但係係重要既事情上你會做得好好，思想可以去到好深好遠。你係我認識既朋友當中一位比較接近『海納百川，有容乃大』既人。 寄望你更有自信更積極，在不同的立場站得更穩，默默耕耘，我相信你收的會是豐盛。 然後係你： 你係一個蒙神祝福既人。 你其實擁有好多，呢層你自己都十分清楚。你聰明、勇敢、做事認真而且願意為人付出，你願意為朋友擺上很多很多。 你渴望追求更多，為此你努力不斷。 當你找對了方向，你就會做得比其他人好，因為你的智慧和努力讓你去得很遠。 寄望你繼續站穩立場，但係方式和手段放輕一點，我知道這樣的話，你一定會比現時快樂，更能找到上帝留比你的。 跟住係你： 你係一個以上帝心意出發既人。 你係一個善於應對、聰明、性格鮮明、有心思又願意為朋友付出的人。 你雖然偶然會說話過了位，但你心裏總是因為你重視一些界線、一些關係。 你偶然會心情唔好，但你在大是大非裏面有正確既眼光。 寄望你繼續發揮你既活力、對情緒空制更得心應手，不論遇到甚麼總能靠著上帝去跨過。亦祝福你早日得著指示，朝你既方向去走。 到你： 你係一個在上帝既愛裏不斷成長的人。 你個人有心思、醒目、勇敢、顧全別人感受、得神和人喜悅的人。 有時幾佩服你的心思，你願意花時間去令別人開心，無怪乎願意幫助你的人總係咁多。 你其實亦好勇敢，我相信係你既信心讓你做左好多旁人覺得好高難度既事情。 寄望你更願意在不同地方有承擔，更有信心在不同位置上活出基督。 至於你： 你係一個不忘記上帝恩典的人。 你聰明、有才幹、重視與人的關係、承受得了傷害的人。 好多時候你其實在角力，不論你向神或是向人。 我比較有印象你曾經比一個你重視既人狠狠的鬧了一輪，那次深深咁刺痛左你，但係你依然願意包容佢，真到今日你同佢依然係朋友。 有些關係你好願意去修補，不論係與人的，或是與神的。 寄望你更願意放低自己，更願意追尋上帝，因為你知道衪是真實的。同時亦寄望你與人的關係找到平衡點。祝福你將上帝給你的恩賜發揮得更淋漓盡致。 然後到你： 你係一個好感受到上帝的愛既人。 你做事交帶負責、醒目、穩定認真而且你好懂得感恩。 以往既經歷令你更懂得珍惜愛，你亦都係一個常常謝恩既人，其實兩樣都好令人羡慕，因為咁樣其實好幸福。 所以你都係一個開心既人。 而且你好值得信賴，因為你就算疲累，你依然會堅持把事情做好。 寄望你更能在唔同地方分享上帝既愛。 最後係你： 你係依靠上帝既人。 你聰明、思想深遠、願意接納人、懂得愛人。 你對人既睇法唔會一成不變，有些人以往你可能唔喜歡或者感覺唔好，但係你唔會永遠抱持同樣既思想看待那些人，你願意一步一步地接納那些人。 你其實懂得愛與被愛，因為你有聰穎既思想而且你重視關係。 寄望你更相信自己會做到更好，因為你真的可以。 其實原本仲想打埋對你同對你既感受，不過我眼訓。 而且時機未到吧？ 希望以上七位都看到，好簡短但係卻係我對你地既感覺同埋祝福。 你們七位可能互相認識，又可能毫無關係，希望你們七位自動對號入座，唔好猜想其他『你』係邊個了，因為可能一世都猜不著。 | 
